द क्रिएटिव्ह अॅक्ट – रिक रुबिन
Original price was: ₹199.00.₹180.00Current price is: ₹180.00.
कलाक्षेत्र आणि कलाकार अशी काही वेगळी माणसं नसतात. प्रत्येक जण कलाकार असतो हा महत्त्वाचा मुद्दा या पुस्तकात पहिल्यापासून समोर येतो. “एखादी अस्तित्वात नसलेली गोष्ट प्रत्यक्षात आणणं म्हणजे सर्जनशीलता..! एखादं सुसंवादी संभाषण, समस्येवर उत्तर शोधण्याची प्रक्रिया, मित्राला पत्र लिहिण्याची क्रिया, दिवाणखान्यातल्या फर्निचरची रचना बदलणं, ट्रॅफिक जाम टाळून वेगळ्या रस्त्यानं कौशल्यानं गाडी चालवत घरापर्यंत पोहोचणं यापैकी प्रत्येक गोष्ट सर्जनशीलतेत मोडते”, असं रिक रुबिन म्हणतो.
ज्या कलाकृती आपल्याला आवडतात, ज्यांच्याशी आपण रिलेट करू शकतो – त्यांचं एक अनामिक नातं आपल्याशी जोडलं जातं. ते कुठेतरी पूर्वानुभवांमध्ये, आठवणींमध्ये असतं हा एक अत्यंत चपखल मुद्दा या पुस्तकात आहे. मला आवडलेली कितीतरी गाणी, चित्रं, पुस्तकं, चित्रपट इतके का आवडले? याची उत्तरं मला अचानकपणे या मुद्दयातून सापडली.
“त्या नदीच्या पार वेड्या यौवनाचे झाड आहे..” या बोरकरांच्या कवितेप्रमाणे “त्या नदीच्या पार पाहण्याची नजर” हे पुस्तक वाचताना, अनुभवताना हवी. त्यासाठी ऋतूंचे बदलते रंग, पक्ष्याची शीळ, फुलत जाणाऱ्या कळ्यांचं मनोगत, मावळत्या सूर्याचं अंतरंग असं पल्याडचं जाणवणारी संवेदना हवी.
एक नक्की, एकदा वाचून हातावेगळं करण्याचं हे पुस्तक नव्हे. वाचकांना या पुस्तकात स्वतःचं प्रतिबिंब दिसेल, काही गोष्टी उलगडतील, काही गोष्टी तपासून पाहण्याची इच्छा होईल, काही गोष्टी सुधारायला हव्यात याची जाणीव होईल. तुमच्या आयुष्याबरोबर हे पुस्तक प्रवास करत राहील..!
Reviews
There are no reviews yet.